შეისწავლე რაჭის ხელუხლებელი სილამაზე: აღმოაჩინე ეკო სოფელი გლოლაში

რაჭის უსწორმასწორო მთებში განლაგებული ეკო სოფელი გლოლაში იდეალური ადგილია ბუნების და თავგადასავლების მოყვარულთათვის, ასევე მათთვის, ვინც უბრალოდ ეძებს მყუდრო გარემოს ოჯახური, ინდივიდუალური, რომანტიკული დასვენებისთვის. მიუხედავად იმისა, გამოცდილი მოგზაური ხართ თუ ადამიანი, ვინც აფასებს ხელუხლებელი პეიზაჟების სილამაზეს, ეკო-სოფელი გთავაზობთ უნიკალურ გამოცდილებას, საგულდაგულოდ ნარჩევი დეტალებით გამორჩეულ გარემოში დროის გასატარებლად.

Eco Village გლოლაში განსაკუთრებულ სერვისებს სთავაზობს დამსვენებლებს. ეკოლოგიურად სუფთა კოტეჯებიდან დაწყებული გარე აქტივობებით დამთავრებული, სოფლის ყველა ასპექტი შექმნილია დაუვიწყარი მოგონებების შესაქმნელად რაჭის განსაცვიფრებელი სილამაზის შენარჩუნების გათვალისწინებით.

დარჩით ეკო-მეგობრულ კომფორტში:

სოფლის 3-4 კაციანი ხის კოტეჯები შექმნილია მდგრადობის გათვალისწინებით. თითოეული მათგანი კომფორტული, მაღალი ხარისხის, ეკოლოგიურად სუფთა აღჭურვილობით არის მოწყობილი. მიმდებარე მთების თვალწარმტაცი ხედების ფონზე, ეკო კოტეჯები  მშვიდ დასვენებას სთავაზობს სტუმრებს თავგადასავლებით აღსავსე დღის შემდეგ. ნულოვანი ნარჩენების პოლიტიკა და ნარჩენების გადამუშავების ვალდებულება კიდევ უფრო ხაზს უსვამს მასპინძლების ერთგულებას გარემოსადმი.

აქ თქვენ დაუვიწყარი თავგადასავალი გელით.

აღმოაჩინეთ რაჭის თვალუწვდენელი მინდვრები:

რაჭის ბუნების და მრავალფეროვნების აღსაქმელად და აღმოსაჩენად გლოლაში მდებარე ეკო სოფელი გთავაზობთ მრავალფეროვან სათავგადასავლო ტურებს, რომლებიც ბუნებასთან უფრო დაგაახლოვებთ.

სალაშქრო ტურები:

დაათვალიერეთ ზემო რაჭის დიდებული პეიზაჟები საფეხმავლო ტურების მეშვეობით, რომლებიც მიგიყვანთ აყვავებულ ტყეებთან, კრისტალურად სუფთა ნაკადულებთან და პანორამული ხედებით გარშემორტყმულ ულამაზეს სოფლებთან. გნებავთ ჩვეულებრივი ლაშქრობა თუ  ეძებთ უფრო რთულ საფეხმავლო ბილიკებს, ეკო ვილიჯი გლოლაში მზად არის ყველანაირი გემოვნება  დააკმაყოფილოს.

ველოსიპედის ტურები:

თუ ველოსიპედით სიარული თქვენი გატაცებაა, მაშინ 8 ამერიკული სპეციალიზებული სამთო ველოსიპედი FUSE 2.75 დიდ სიამოვნებას მოგანიჭებთ, რომლითაც შეგიძლიათ დაიწყოთ ამაღელვებელი გასეირნება ზემო რაჭის უმშვენიერესი  ლანდშაფტის და მისი ბიომრავალფეროვნების გასაცნობად.

კემპინგი ვარსკვლავების ქვეშ:

მათთვის, ვისაც სიამოვნებას ანიჭებს ღია ცის ქვეშ დროის გატარება დღე - ღამის ნებისმიერ მონაკვეთში, მასპინძლები კომფორტულ საკემპინგო ადგილებს სთავაზობენ. გაქვთ საკუთარი კემპინგის აღჭურვილობა? გნებავთ ისარგებლოთ საკუთარი ან ეკო ვილიჯის კარვებით, რომელიც ადგილზე დაგხვდებათ - მთავარია არ გამოტოვოთ ვარსკვლავებით განათებული ცის ჯადოსნური რაჭული ღამეები.

ჯიპ ტურები:

თავგადასავლისა და ისტორიის შერწყმისთვის შეუერთდით ჯიპ ტურს რაჭის ისტორიული ღირსშესანიშნაობების შესასწავლად. უძველესი ეკლესიებიდან დაწყებული, მომხიბლავი კულტურული ადგილებით დამთავრებული, აღნიშნული ტური საშუალებას გაძლევთ დაუკავშირდეთ რეგიონის მდიდარ წარსულს და დატკბეთ მისი ბუნებრივი სილამაზით.

მიირთვით და დააგემოვნეთ ადგილობრივი არომატები Eco Village გლოლაში, რადგან ნამდვილი თავგადასავალი ასევე მოიცავს ადგილობრივი კულტურის შესწავლას და გაზიარებას. სწორედ ამიტომ, ეკო ვილიჯი გთავაზობთ შესაძლებლობას დააგემოვნოთ უგემრიელესი, ორგანული პროდუქტები რეგიონიდან. კერძები მზადდება ახალი, ადგილობრივი ინგრედიენტებით, რაც საშუალებას აძლევს თითოეულ სტუმარს დააგემოვნოს რაჭის მდიდარი კულინარიული ტრადიციების ავთენტური გემო.

მდგრადობა და მდგრადი განვითარება, ამ ადგილის მთავარი იდეოლოგიაა. Eco Village-ში გლოლა- ს სულისჩამდგმელები ამაყობენ ეკოლოგიურად სუფთა მიდგომები, რაც მათ  თითოეულ ქმედებაში გამოიხატება. "ჩვენ მივყვებით მკაცრ ნულოვანი ნარჩენების პოლიტიკას, ვამუშავებთ ყველა მასალას, რათა მინიმუმამდე დავიყვანოთ ჩვენი გარემოსდაცვითი კვალი. ჩვენი მისიაა მდგრად ტურიზმში ახალი სტანდარტების დაწესება, იმის უზრუნველსაყოფად, რომ მომავალ თაობებს შეეძლოთ ისარგებლონ იგივე ხელუხლებელი პეიზაჟებით, როგორც ჩვენ დღეს შეგვიძლია".

ავტორი: ხატია ლობჯანიძე